《大叔的愛》眾演員琴晚出席宣傳活動，德斌哥哥接受訪問，話好開心套劇成為港人茶餘飯後話題，更大爆正在討論緊拍電影版添：「加片酬緊係好啦！」
而簡慕華亦都憑劇人氣急升，成為佢其中一部代表作，佢話感激觀眾同鏡粉嘅支持同包容，唔止愛MIRROR，仲愛屋及烏支持埋其他角色：「完全無後悔由加拿大返嚟拍要隔離21日。我知套劇唔止年輕人，連一家大細都追嚟睇，好耐無見過嘅現象，好感動！」
Edan同Anson Lo亦都多謝觀眾支持，仲提議將《大叔的愛》長拍長有，希望續集可以「多甜」，加多啲阿牧同田田嘅sweet場面。